Откријте ни ги деталите околу овој статусен комплекс составен од 18 типски објекти?

Точно така, на една интересна локација во близина на општинската зграда во Сопиште на само 6,5 км и оддалеченост од 15-ина минути од урбаниот центар на градот, надвор од целиот градски метеж, поставивме камен-темелник на Домови за своја Душа, за семејства кои ќе го почувствуваат овој простор за свој дом. Станува збор за репрезентативни објекти со модерно осмислена архитектура и правила на фенг шуи, каде што можете да имате мирен, хармоничен живот, место кое што ќе ви ги задоволи сите потреби, величествен поглед на југозападните падини на Китка, Караџица и Јакупица.

Како што знаеме сите, во последно време градот се повеќе и повеќе се зголемува, а тоа придонесува воздухот во центарот на градот се повеќе да биде загаден. Комплексот „Ветрило“ е идеално живеалиште за среќен спокоен и семеен живот во чиста еколошка средина, а знаеме дека не постои поголем луксуз од сопственото здравје.

Каква содржина нуди овој резиденцијален комплекс?

Пред сè, како што кажавте овој комплекс се состои од 18 објекти. Објектите се типски и се поделени на три типа А, Б, В. Квадратурата на објектите е од 103 м2 до 118 м2, организирани на приземје и кат.

Во приземјето се сместени кујна со трпезарија и дневна соба со отворен план и гостинска бања, додека на катот се сместени просториите за ноќен одмор со бањи и тераси. Квадратурата на парцелите каде што се сместени објектите се движат од 150-240 м2, што е доволно да можат да се паркираат две возила и да се сместат содржини за рекреација. Секоја станбена единица е приклучена на заеднички централен систем за греење и топла санитарна вода. Секој објект е со висока класа на енергетска ефикасност. Низ самиот комплекс поминуваат две внатрешни новопроектирани улици кои пак овозможуваат дополнителна можност за приватност. Самата локација е со блага падина на југ, со што се овозможува објектите да бидат каскадно наредени и да има простран поглед.

Главните предуслови при инвестирање во имот се квалитетот на градбата и материјалите од кои е изграден објектот. Колку вашиот објект може да се пофали со ваквите атрибути?

Во однос на ова прашање, навистина сме горди на изборот на материјали, и тука не правевме никаков копмпромис. Ќе се одбираат материјали кои ги задоволуваат стандардите. Објектот има статика која е сеизмички проверена и има добиено позитивно мислење од Институтот за сеизмологија во Скопје. Секако, при проектирањето се водеше сметка и фасадата на објектот да ги задоволува звучната и термичката изолација како и енергетската ефикасност. Со ова новите семејства кои ќе се вселат ќе заштедат значителна сума од буџетот за греење и ладење на нивниот нов дом. Како компанија, сите материјали кои ги вградивме досега во нашите објекти, и се разбира и во сите наши наредни објекти, се од реномирани производители кои имаат проверен квалитет.

Имајќи предвид дека понудата на пазарот е навистина голема, што направивте вие за да се издвоите од останатите и конечно да бидете крајниот избор на оние што сакаат нивниот дом да биде во вашиот комплекс?

Од јасната цел – „Среќно, здраво живеење“, произлегува и нашиот мотив за создавање на домови едноставни, функционални решенија за сечиј дом, уредени со правила на фенг шуи. Едноставно, им нудиме иднина опкружена со природа, чиста еколошка средина, мир, хармоничен и здрав начин на живот.

Од каде името Ветрило?

Комплексот го доби името Ветрило не случајно. Просторот на кој се гради комплексот се вика Ветрила. А во неговата изградба ќе се внимава на правилата по фенг шуи (во буквален превод – ветар и вода), древна кинеска наука за усогласување на живот во хармонија со силите на универзумот, стара 5.000 години, која претставува логика, а не религија. Во Ветрило, преку имплементирање на традиционалните фенг шуи вештини, сакаме да воспоставиме баланс и усогласување на космичката чи енергија на луѓето и просторот во кој живеат. Што е слично на старите словенски правила кои нашите народи на Балканот ги применуваат во изградба на нивните куќи. Фенг шуи е древна наука која била спасена од заборав и се применува во сите аспекти на животот.

Градовите Хонг Конг и Сингапур се апсолутно направени во согласност со правилата на фенг шуи. Фенг шуи се користи во секој аспект на човекот и на тој начин изградба на личното име, стил и карактер. Кога основата, како што е стан, куќа или канцеларија е изградена во хармонија со универзумот, според правилата на фенг шуи, тогаш лицето има добар и силен карактер и со планови да се постигне целта.

Низ сопствениот избор, многу среќни семејства ја изградија и ја живеат сопствената успешна иднина.

Да се применуваат техниките на фенг шуи, не е потребно познавање на архитектурата, згради или други егзактните науки. Таа го зема некое чувство на припадност кон планетата Земја.